کراچی میں ڈبل ڈیکر بسیں جلد سڑکوں پر چلیں گی، شرجیل انعام میمن

سندھ کے سینئر وزیر شرجیل انعام میمن نے کراچی کے عوام کے لیے خوشخبری سنائی ہے کہ شہر میں ڈبل ڈیکر بسیں جلد سڑکوں پر متعارف کرائی جائیں گی۔

وزیر کے مطابق کراچی کے لیے ڈبل ڈیکر بسیں بندرگاہ پر پہنچ گئی ہیں اور محکمہ ٹرانسپورٹ حکومت سندھ کی جانب سے ان کی آپریشنل تیاری مکمل کی جا رہی ہے۔شرجیل انعام میمن نے کہا کہ عوام کو بہتر اور جدید پبلک ٹرانسپورٹ کی سہولت فراہم کرنا حکومت کی اولین ترجیح ہے اور ان بسوں کے سڑکوں پر آنے سے شہریوں کو آرام دہ اور محفوظ سفری سہولت میسر ہوگی۔