معرکہ حق میں عبرت ناک شکست کے بعد بھارتی فوج عالمی منظرنامہ پر مذاق بن کر رہ گئی

معرکۂ حق میں ناکامی کے بعد بھارتی فوجی قیادت کے طرزِ عمل پر عالمی اور علاقائی سطح پر سوالات اٹھنے لگے ہیں۔ مبصرین کے مطابق حالیہ عرصے میں بھارتی عسکری قیادت کی جانب سے مختلف عوامی اور میڈیا سرگرمیوں میں غیر سنجیدہ رویہ اختیار کیا جا رہا ہے، جسے پیشہ ورانہ عسکری وقار کے منافی قرار دیا جا رہا ہے۔

دفاعی تجزیہ کاروں کا کہنا ہے کہ عالمی سطح پر پاکستان کی سفارتی سرگرمیوں اور عسکری قیادت کی پذیرائی کے تناظر میں بھارتی فوجی قیادت دباؤ اور تذبذب کا شکار دکھائی دیتی ہے، جس کے باعث میڈیا میں غیر معمولی اور نمائشی سرگرمیوں کا سہارا لیا جا رہا ہے۔اطلاعات کے مطابق بھارتی عسکری قیادت سیاسی حلقوں کو خوش کرنے کے لیے مذہبی رسومات اور عوامی تقریبات میں نمایاں شرکت کرتی نظر آ رہی ہے، جبکہ مختلف مواقع پر عسکری تیاریوں سے متعلق بیانات اور مظاہرے بھی سامنے آ رہے ہیں۔حال ہی میں بھارتی آرمی اور فضائیہ کی پاسنگ آؤٹ پریڈز کے دوران عسکری قیادت کی جانب سے بعض غیر روایتی اور نمائشی حرکات پر بھی تنقید کی جا رہی ہے۔ مبصرین کے مطابق ان اقدامات کو پیشہ ورانہ صلاحیت کے بجائے سستی شہرت حاصل کرنے کی کوشش قرار دیا جا رہا ہے۔دفاعی ماہرین کا کہنا ہے کہ عسکری اداروں کی ساکھ اور وقار کا تعلق نظم و ضبط، پیشہ ورانہ مہارت اور سنجیدہ طرزِ عمل سے ہوتا ہے، جبکہ غیر ضروری نمائش اور میڈیا بازی اداروں کی ساکھ کو متاثر کر سکتی ہے۔تجزیہ کاروں کے مطابق بھارتی عسکری قیادت کے حالیہ اقدامات نے نہ صرف اندرونِ ملک بلکہ عالمی سطح پر بھی عسکری پیشہ ورانہ معیار پر سوالات کھڑے کر دیے ہیں۔