آبنائے ہرمز پر مکمل کنٹرول، ایران کیخلاف جنگ مکمل کرینگے: پیٹ ہیگسیتھ

واشنگٹن: امریکی وزیرِ دفاع پیٹ ہیگسیتھ (Pete Hegseth) نے پینٹاگون میں نائن الیون حملوں کی سالانہ یادگاری تقریب سے خطاب کرتے ہوئے دعویٰ کیا ہے کہ امریکا آبنائے ہرمز پر مکمل کنٹرول رکھتا ہے اور وہ ایران کے خلاف اپنی جنگ کو منطقی انجام تک پہنچائے گا۔

9/11 کے شہدا اور یادگاری تقریب سے اپنے خطاب میں امریکی وزیرِ دفاع نے سخت گیر موقف اختیار کرتے ہوئے خطے میں امریکی اثر و رسوخ اور ایران سے متعلق واشنگٹن کی پالیسیوں کو واضح کیا۔

پیٹ ہیگسیتھ کے اہم ترین بیانات کے نکات درج ذیل ہیں: انہوں نے زور دے کر کہا کہ عالمی سمندری گزرگاہ ‘آبنائے ہرمز’ پر امریکی فورسز کا پورا کنٹرول قائم ہے اور ایران کے خلاف جنگ ہر صورت مکمل کی جائے گی۔وزیرِ دفاع نے کہا کہ ایرانی حکومت گزشتہ نصف صدی (تقریباً 50 برسوں) سے امریکا کی بربادی اور خاتمے کی خواہاں رہی ہے، اور اس پالیسی میں کوئی تبدیلی نہیں آئی۔پیٹ ہیگسیتھ کا مزید کہنا تھا کہ امریکا کے مخالفین اور دشمنوں کے خلاف جدوجہد کا یہ عمل کبھی ختم نہیں ہوا اور آج بھی اسی شدومد کے ساتھ جاری ہے، جبکہ برائی اور اس کے چہروں کے خلاف جنگ روزِ قیامت تک جاری رہے گی۔