عاصم افتخار پاکستان کے نئے سیکرٹری خارجہ مقرر

اسلام آباد: حکومتِ پاکستان نے عاصم افتخار احمد کو ملک کا نیا سیکرٹری خارجہ مقرر کرنے کا فیصلہ کیا ہے، جس کی منظوری وزیراعظم محمد شہباز شریف نے دے دی ہے۔

عاصم افتخار اس وقت اقوام متحدہ میں پاکستان کے اضافی/نائب مستقل مندوب کے فرائض انجام دے رہے ہیں اور وہ جلد ہی سیکرٹری خارجہ کے عہدے کی ذمہ داریاں سنبھالیں گے۔

واضح رہے کہ موجودہ سیکرٹری خارجہ آمنہ بلوچ کی مدتِ ملازمت جاری ماہ کے تیسرے ہفتے میں مکمل ہو رہی ہے، جس کے بعد عاصم افتخار باقاعدہ طور پر اپنی نئی ذمہ داریاں سنبھالیں گے۔