پاکستان سمیت دنیا بھر میں آج ورلڈ چیرٹی ڈے منایا جارہا ہے

پاکستان سمیت دنیا بھر میں آج عالمی یومِ خیرات یا ‘ورلڈ چیرٹی ڈے’ (International Day of Charity) منایا جا رہا ہے۔ اس دن کو منانے کا بنیادی مقصد دنیا بھر میں محتاجوں، غریبوں اور ضرورت مندوں کی مدد کے حوالے سے آگاہی پیدا کرنا، لوگوں کو رقم و وقت عطیہ کرنے اور رفاہی کاموں میں بڑھ چڑھ کر حصہ لینے کی ترغیب دینا ہے۔ پاکستان میں مسلسل بڑھتی ہوئی مہنگائی اور معاشی بحران کے سبب خطِ غربت سے نیچے زندگی بسر کرنے والے افراد کی تعداد میں روز بروز تشویشناک اضافہ ہو رہا ہے، جس کی وجہ سے فلاحی اور رفاہی اداروں کا کردار پہلے سے کہیں زیادہ اہم ہو گیا ہے۔