ایران کے معاملے پر درست فیصلہ کیا، ہم یہ جنگ پہلے ہی جیت چکے ہیں: ٹرمپ

امریکی صدر ڈونلڈ ٹرمپ نے ایک تازہ انٹرویو اور اپنے سوشل میڈیا پلیٹ فارم ‘ٹروتھ سوشل’ (Truth Social) پر جاری بیان میں دعویٰ کیا ہے کہ امریکہ ایران کے خلاف جاری جنگ میں پہلے ہی فتح حاصل کر چکا ہے۔ انہوں نے ایران پر ملٹری حملے کے اپنے فیصلے کو بالکل درست قرار دیتے ہوئے ان تمام خبروں اور آزادانہ تجزیوں کو سختی سے مسترد کر دیا جن میں دعویٰ کیا گیا تھا کہ طویل جنگی کارروائیوں کے باعث امریکی فوج کے پاس گولہ بارود اور ہتھیاروں کے ذخائر کم ہو رہے ہیں۔ صدر ٹرمپ نے ایسی رپورٹس کو “غداری” قرار دیتے ہوئے کہا کہ امریکی مسلح افواج کے پاس ہتھیاروں کی تقریباً لامحدود مقدار موجود ہے اور دفاعی صنعت کی پیداواری صلاحیت میں بھی زبردست اضافہ کیا جا رہا ہے۔