امریکی ریاست منی سوٹا میں فائرنگ، 2 افراد ہلاک، حملہ آور بھی ہلاک

امریکی ریاست منی سوٹا کے شہر منیاپولس کی ایک اپارٹمنٹ عمارت میں فائرنگ کے نتیجے میں 2 افراد ہلاک جبکہ 3 پولیس اہلکاروں سمیت 6 افراد زخمی ہو گئے۔ امریکی میڈیا کے مطابق واقعے کے فوراً بعد پولیس کی جانب سے کی جانے والی جوابی کارروائی میں حملہ آور بھی مارا گیا۔ منی سوٹا کے گورنر ٹم والز نے اپنے بیان میں تصدیق کی کہ قانون نافذ کرنے والے ادارے واقعے سے نمٹ رہے ہیں، تاہم حملہ آور کی شناخت، فائرنگ کی وجوہات اور زخمیوں کی طبی حالت کے حوالے سے فوری طور پر مزید تفصیلات سامنے نہیں آ سکی ہیں