ایران جوہری ہتھیار سے دو ہفتے دور تھا، اس لیے اسے تباہ کردیا، ٹرمپ

امریکی صدر ڈونلڈ ٹرمپ نے دعویٰ کیا ہے کہ ایران جوہری ہتھیار تیار کرنے سے محض دو ہفتے کی دور ی پر تھا، اسی لیے امریکا نے کارروائی کرتے ہوئے ایران کی جوہری صلاحیت کو تباہ کر دیا ہے۔ سوشل میڈیا پر اپنے بیان میں ڈونلڈ ٹرمپ نے کہا کہ اگر ایران کو ایٹمی ہتھیار رکھنے دیے جاتے تو وہ ان کا استعمال کر چکا ہوتا۔ امریکی صدر نے مزید دعویٰ کیا کہ امریکا ایران جنگ میں ‘حیرت انگیز نتائج’ حاصل کر رہا ہے اور اس وقت آبنائے ہرمز مکمل طور پر امریکی کنٹرول میں ہے۔ اپنے بیان میں انہوں نے سوشل میڈیا صارفین سے یہ سوال بھی پوچھا کہ کیا آبنائے ہرمز کا نام تبدیل کر دینا چاہیے؟