کمالیہ یونیورسٹی میں زرعی فضلے سے توانائی بنانے کے منصوبے کا آغاز

برطانوی حکومت کے ‘انوویٹو یو کے انرجی کیٹالسٹ’ پروگرام کے تحت 46 کروڑ روپے کی گرانٹ سے یونیورسٹی آف کمالیہ میں ‘سیفر پلس’ (Safer Plus) منصوبے کا باقاعدہ آغاز کر دیا گیا ہے۔ پاکستان میں اپنی نوعیت کے اس پہلے منفرد منصوبے کے تحت زرعی فضلے کو جلانے کے بجائے ماحول دوست توانائی، آلودگی سے پاک کوئلے اور دیگر مفید مصنوعات میں تبدیل کیا جائے گا۔ برطانیہ کی نارتھومبریا یونیورسٹی اور نجی شعبے کے اشتراک سے شروع کیے گئے اس منصوبے سے نہ صرف ملک میں معاشی و ماحولیاتی چیلنجز پر قابو پانے میں مدد ملے گی بلکہ بالخصوص جنوبی پنجاب کی دیہی خواتین کے لیے روزگار اور معاوضے کے نئے مواقع بھی پیدا ہوں گے۔