پیوٹن سمجھتے ہیں ایران جنگ سے امریکا کمزور ہوا ہے، امریکی انٹیلی جنس

امریکی اخبار نے انٹیلی جنس رپورٹ کے حوالے سے دعویٰ کیا ہے کہ روسی صدر ولادیمیر پیوٹن کا ماننا ہے کہ امریکا اور ایران کے درمیان جنگ کے باعث امریکا فوجی اور سفارتی سطح پر کمزور ہوا ہے۔ رپورٹ کے مطابق امریکی انٹیلی جنس جائزے سے ظاہر ہوتا ہے کہ مشرقِ وسطیٰ میں کشیدگی نے واشنگٹن کی توجہ تقسیم کر دی ہے، جسے ماسکو یورپ میں اپنے سٹریٹجک مفادات کو آگے بڑھانے اور امریکی اتحادیوں کے خلاف کارروائیاں تیز کرنے کا اہم موقع سمجھ رہا ہے۔ دوسری جانب امریکی خفیہ ادارے (سی آئی اے) کے سربراہ جان ریٹکلف نے دورۂ روس کے دوران ماسکو کو یوکرین کے خلاف جنگ میں شدت لانے اور بڑے فوجی اقدامات سے خبردار کیا ہے کہ اس کے سنگین نتائج روس کے لیے بھی نقصان دہ ہوں گے۔ تاہم اس مبینہ انٹیلی جنس جائزے پر ابھی روسی قیادت کا باضابطہ ردِعمل سامنے آنا باقی ہے۔