مسئلہ کشمیر اقوام متحدہ کی قراردادوں پر عمل تک ختم نہیں ہو گا: نومنتخب وزیراعظم

آزاد کشمیر کی قانون ساز اسمبلی کے باہر میڈیا سے گفتگو کرتے ہوئے نومنتخب وزیراعظم افتخار گیلانی نے کہا ہے کہ مسئلہ کشمیر محض زمین کا ٹکڑا نہیں بلکہ یہ اقوام متحدہ کی قراردادوں اور کشمیریوں کے حقِ خودارادیت کا معاملہ ہے، اور بھارت کے 5 اگست 2019 کے جبری اقدامات کو کبھی قبول نہیں کیا جائے گا۔ انہوں نے افواجِ پاکستان اور وزیراعظم شہباز شریف کا شکریہ ادا کرتے ہوئے کہا کہ ایک مضبوط پاکستان ہی کشمیر کی آزادی کی ضمانت ہے۔ افتخار گیلانی نے سدھنوتی اور پونچھ میں جلد انتخابات کرانے کے عزم کا اظہار کیا اور اعلان کیا کہ پنجاب کی طرز پر آزاد کشمیر میں بھی تعمیر و ترقی کا ماڈل قائم کیا جائے گا۔ انہوں نے شفاف تقرریوں، زراعت، سیاحت اور ڈیجیٹل روزگار کے فروغ کے ساتھ ساتھ تعلیم اور صحت کے شعبوں میں بنیادی اصلاحات لانے اور پٹواری و تھانہ کلچر کے خاتمے کا وعدہ کیا۔