پی ٹی آئی نے الیکشن کمیشن میں مالی گوشواروں کی تفصیلات جمع کرادیں

اسلام آباد: پاکستان تحریک انصاف (پی ٹی آئی) نے اپنے سالانہ مالی گوشواروں اور آڈٹ شدہ اکاؤنٹس کی تمام تر تفصیلات الیکشن کمیشن آف پاکستان (ECP) کے پاس جمع کرا دی ہیں۔

پارٹی ذرائع کے مطابق پی ٹی آئی کی جانب سے الیکشن کمیشن میں آڈٹ رپورٹس کے ساتھ ساتھ پارٹی کے مرکزی چیئرمین بیرسٹر گوہر علی خان کا تصدیق شدہ بیانِ حلفی (Affidavit) بھی باضابطہ طور پر جمع کرایا گیا ہے۔

واضح رہے کہ الیکشن کمیشن آف پاکستان نے الیکشن ایکٹ کے تحت تمام رجسٹرڈ سیاسی جماعتوں سے ہدایت جاری کی تھی کہ وہ مقررہ مدت کے اندر اپنے سالانہ آڈٹ شدہ مالی گوشوارے اور اثاثوں کی تفصیلات جمع کرائیں، جس کی پاسداری میں پی ٹی آئی کی جانب سے یہ قانونی دستاویزات جمع کرائی گئی ہیں۔