سی آئی اے چیف کا ماسکو کا دورہ، روس کو سنگین نتائج کی دھمکی

امریکی اخبار ‘وال سٹریٹ جرنل’ کی رپورٹ کے مطابق سی آئی اے کے چیف جان ریٹکلف نے ماسکو کا اہم دورہ کیا ہے، جہاں انہوں نے روسی حکام کو نیٹو اتحاد پر کسی بھی قسم کے حملے سے باز رہنے کی سخت خبرداری کی ہے۔ ترجمان کریملن نے تصدیق کی ہے کہ جان ریٹکلف نے ماسکو میں روسی انٹیلی جنس حکام سے ملاقاتیں کیں، اور اگرچہ ان کی صدر ولادیمیر پیوٹن سے براہِ راست ملاقات نہیں ہوئی، تاہم کریملن کو ان مذاکرات کے حوالے سے فوری بریفنگ دے دی گئی ہے۔ رپورٹ کے مطابق امریکی انٹیلی جنس کے جائزے سے ظاہر ہوتا ہے کہ روس نیٹو کے عزم کو آزمانے کے لیے کوئی محدود زمینی کارروائی یا سائبر حملہ کر سکتا ہے، جس کے پیشِ نظر واشنگٹن نے یہ ہنگامی قدم اٹھایا ہے۔