پنجاب اور شن جیانگ میں زراعت سمیت مختلف شعبوں میں تعاون بڑھانے پر اتفاق

وزیراعلیٰ پنجاب مریم نواز شریف نے شین جیانگ وایغور خودمختار علاقائی کمیٹی کے پارٹی سیکریٹری اور پروڈکشن اینڈ کنسٹرکشن کورپس کے پولیٹیکل کمشنر ہی ژونگ یو سے اہم ملاقات کی، جس میں پنجاب اور شین جیانگ کے درمیان معاشی، زرعی، صنعتی اور تکنیکی شعبوں میں باہمی تعاون کو فروغ دینے پر تفصیلی تبادلہ خیال کیا گیا۔ وزیراعلیٰ مریم نواز نے پاکستان اور چین کے سفارتی تعلقات کے 75 سال مکمل ہونے پر مبارکباد دی اور کم پانی والے علاقوں میں زرعی پیداوار بڑھانے کے لیے چین کی واٹر ایفیشنٹ ٹیکنالوجی، ڈرپ اریگیشن اور جدید بیجوں سے استفادہ کرنے پر زور دیا۔ انہوں نے پنجاب میں چینی اشتراک سے پائلٹ پروجیکٹس، قابلِ تجدید توانائی کے فروغ اور پاکستانی طلبہ کے لیے آن لائن ٹیکنیکل تعلیم کی تجویز بھی پیش کی، جبکہ دونوں جانب سے عوامی و ثقافتی روابط اور پیپل ٹو پیپل ایکسچینج پروگرامز کو مزید وسعت دینے کے عزم کا اعادہ کیا گیا۔