ای چالان جرمانوں پر نظرِ ثانی کا اعلان، وزیرِ داخلہ سندھ ضیاالحسن لنجار

وزیر داخلہ سندھ ضیاالحسن لنجار نے ای چالان جرمانوں پر نظرِ ثانی کا اعلان کرتے ہوئے بتایا ہے کہ ایوان کی ایک خصوصی کمیٹی ای چالان سسٹم اور متعلقہ قواعد و ضوابط کا تفصیلی جائزہ لے گی۔ اس کمیٹی میں علی خورشیدی، طحہ احمد اور سعدیہ جاوید شامل ہیں جبکہ کمیٹی کی سربراہی خود وزیر داخلہ کریں گے۔

ضیاالحسن لنجار کا کہنا تھا کہ کراچی میں آج بھی ٹریفک حادثہ پیش آیا، ہم شہریوں کو ایسی مشکلات سے بچانا چاہتے ہیں۔ انہوں نے کہا کہ کراچی کے ٹریفک نظام کا مؤثر نفاذ ناگزیر ہے تاکہ سڑکوں کو محفوظ اور ٹریفک کو منظم بنایا جا سکے۔

وزیر داخلہ نے مزید کہا کہ حکومت کا بنیادی مقصد شہریوں کو سہولت، تحفظ اور جدید ٹریفک مینجمنٹ سسٹم فراہم کرنا ہے، اور اسی مقصد کے لیے قواعد کا ازسرِ نو جائزہ لیا جا رہا ہے۔