حکومت نے پٹرول اور ڈیزل ایک بار پھر مہنگا کر دیا

حکومت نے پٹرولیم مصنوعات کی قیمتوں میں ایک بار پھر اضافے کا اعلان کر دیا ہے۔ جاری کردہ سرکاری نوٹیفکیشن کے مطابق پٹرول کی قیمت میں 1 روپیہ 12 پیسے فی لٹر جبکہ ڈیزل کی قیمت میں 1 روپیہ 11 پیسے فی لٹر کا اضافہ کیا گیا ہے۔ اس ردوبدل کے بعد پٹرول کی نئی قیمت 343 روپے 10 پیسے فی لٹر اور ڈیزل کی نئی قیمت 371 روپے 80 پیسے فی لٹر مقرر کر دی گئی ہے۔ تمام نئی قیمتوں کا اطلاق رات 12 بجے کے بعد سے آئندہ دو روز کے لیے نافذ العمل ہوگا۔