امریکا نے شام کو دہشت گردی کی سرپرست ریاستوں کی فہرست سے نکال دیا

امریکا نے تقریباً 47 سال بعد شام کو ‘دہشت گردی کی سرپرست ریاستوں’ (State Sponsors of Terrorism) کی فہرست سے باضابطہ طور پر خارج کر دیا ہے۔ امریکی محکمہ خارجہ کے مطابق یہ تاریخی فیصلہ صدر ڈونلڈ ٹرمپ کی انتظامیہ کی جانب سے شام کے حوالے سے نئی پالیسی کا حصہ ہے، جس کے تحت 45 روزہ لازمی کانگریسی جائزہ مکمل ہونے کے بعد امریکی وزیرِ خارجہ مارکو روبیو نے اس کا حتمی اعلان کیا۔ اس اقدام کا بنیادی مقصد شام کے لیے عالمی تجارت، غیر ملکی سرمایہ کاری اور اقتصادی بحالی کے راستے کھولنا ہے۔ فیصلے کے تحت ‘حیات تحریر الشام’ (HTS) کو بھی اسپیشلی ڈیزگنیٹڈ گلوبل ٹیررسٹ کی فہرست سے نکال دیا گیا ہے، جس کے بعد شام سے کئی اہم معاشی پابندیاں ختم ہو گئی ہیں۔ شام کے اخراج کے بعد اب اس امریکی فہرست میں صرف ایران، کیوبا اور شمالی کوریا باقی رہ گئے ہی