اسلام آباد میں کال سینٹرز کیخلاف کریک ڈاؤن، مزید 50 غیر ملکی گرفتار

غیر قانونی کال سینٹرز کے خلاف جاری کریک ڈاؤن میں مزید پیش رفت سامنے آئی ہے، جہاں پولیس کارروائی کے دوران نجی ہاؤسنگ سوسائٹی کے ایک پلازے میں چھپے ہوئے مزید 50 غیر ملکیوں کو گرفتار کر لیا گیا ہے۔ ذرائع کے مطابق تمام گرفتار غیر ملکیوں کی جیل منتقلی مکمل کر لی گئی ہے اور انہیں پاکستان بدر (ڈی پورٹ) کرنے کے ساتھ ساتھ بلیک لسٹ کرنے کا عمل بھی شروع کر دیا گیا ہے۔ پہلے مرحلے میں گزشتہ رات 50 ویتنامی باشندوں کو ڈی پورٹ کر دیا گیا ہے، جبکہ باقی غیر ملکیوں کو بھی جلد اپنے وطن واپس بھیج دیا جائے گا۔