بانی پی ٹی آئی کوئی ڈیل نہیں کرتے، تین سال قید کاٹ لی، بیرسٹر گوہر

چیئرمین پی ٹی آئی بیرسٹر گوہر نے اعلان کیا ہے کہ سپریم کورٹ کے حکم پر عملدرآمد نہ ہونے کے معاملے پر حکومت اور انتظامیہ کے خلاف توہینِ عدالت کی درخواست دائر کی جا رہی ہے۔ سپریم کورٹ کے باہر میڈیا سے گفتگو کرتے ہوئے انہوں نے کہا کہ عدالت کے فیصلے میں کوئی ابہام نہیں تھا اور اس پر من و عن عمل ہونا چاہیے تھا، مگر بانی پی ٹی آئی کو نہ تو تجویز کردہ اسپتال منتقل کیا گیا اور نہ ہی مقررہ میڈیکل بورڈ میں ان کے ذاتی معالجین کو شامل کیا گیا۔ انہوں نے بانی پی ٹی آئی کی کسی ڈیل کے امکان کو مسترد کرتے ہوئے کہا کہ وہ صرف اپنے ضروری طبی ٹیسٹ کرانا چاہتے ہیں اور ان کا اسپتال میں بلاوجہ رہنے کا کوئی ارادہ نہیں۔ بیرسٹر گوہر نے امید ظاہر کی کہ سپریم کورٹ اس توہینِ عدالت کی درخواست کو جلد سماعت کے لیے مقرر کرے گی۔