جماعت اسلامی کسی گرینڈ اپوزیشن اتحاد کا حصہ بننے نہیں جا رہی: حافظ نعیم الرحمان

امیر جماعت اسلامی حافظ نعیم الرحمان نے واضح کیا ہے کہ ان کی جماعت کسی بھی گرینڈ اپوزیشن اتحاد کا حصہ بننے نہیں جا رہی، کیونکہ ماضی میں ایسے سیاسی اتحادوں سے جماعت اسلامی کو فائدہ پہنچنے کے بجائے نقصان کا سامنا کرنا پڑا۔ لاہور میں سینئر صحافیوں سے گفتگو کرتے ہوئے انہوں نے کہا کہ جماعت اسلامی بند کمروں کے بجائے عوامی فورم پر اپنے بل بوتے پر نظام کی تبدیلی کی جنگ لڑے گی۔ امیر جماعت اسلامی نے مزید اعلان کیا کہ 13 ربیع الاول کو ملک گیر شٹر ڈاؤن ہڑتال کا لائحہ عمل سامنے لایا جائے گا، جس کے بعد مرحلہ وار پہیہ جام اور اسلام آباد کی طرف فیصلہ کن مارچ کی حکمتِ عملی اختیار کی جائے گی۔