اے سی سی اجلاس میں پاکستان کو بھارت کیخلاف اہم کامیابی مل گئی

بانکاک میں منعقدہ ایشین کرکٹ کونسل (اے سی سی) کے سالانہ جنرل اجلاس میں پاکستان کے حمایت یافتہ پینل نے بھارتی حمایت یافتہ پینل کو شکست دے کر بڑی کامیابی حاصل کر لی ہے۔ اے سی سی بورڈ میں ڈائریکٹرز کی تین نشستوں پر ہونے والے ان انتخابات میں صدر اے سی سی محسن نقوی کی قیادت میں پاکستان کے حمایت یافتہ قطر، سنگاپور اور مالدیپ کے نمائندے کامیاب قرار پائے۔ اے سی سی کی تاریخ میں یہ پہلا موقع ہے کہ پاکستان کے حمایت یافتہ پینل نے تینوں نشستوں پر کلین سویپ کیا ہے۔ اجلاس میں بھارت کی نمائندگی راجیو شکلا نے کی، جبکہ الیکشن کے ساتھ ساتھ اگلے سال بنگلہ دیش میں ہونے والے ایشیا کپ کی تیاریوں، وینیوز اور اے سی سی کے سالانہ بجٹ پر بھی تفصیلی تبادلہ خیال کیا گیا۔