کرک میں کھیل کے میدان میں فائرنگ، سب انسپکٹر ایف آئی اے جاں بحق

خیبر پختونخوا کے ضلع کرک میں ایک مقامی کھیل کے میدان میں نامعلوم مسلح افراد کی اندھا دھند فائرنگ کے نتیجے میں ایف آئی اے کا سب انسپکٹر موقع پر جاں بحق جبکہ ایک ریسکیو اہلکار شدید زخمی ہو گیا ہے۔ ریسکیو حکام کے مطابق جاں بحق ہونے والے اہلکار کی شناخت احمد (حمد) کے نام سے ہوئی ہے۔

حادثے کے فوراً بعد لاش اور زخمی اہلکار کو قریب واقع مقامی ہسپتال منتقل کر دیا گیا ہے۔ پولیس حکام کا کہنا ہے کہ واقعے کے بعد علاقے کو گھیرے میں لے کر سرچ آپریشن شروع کر دیا گیا ہے جبکہ فائرنگ میں ملوث ملزمان کی گرفتاری اور محرکات کا پتہ لگانے کے لیے تفتیش کا آغاز کر دیا گیا ہے۔