شام کے وزیر خارجہ کا دورہ پاکستان مکمل، باہمی تعاون کے فروغ پر اتفاق

شام کے وزیرِ امورِ خارجہ و تارکینِ وطن اسعد حسن الشیبانی کا دورۂ پاکستان باہم کامیابی کے ساتھ مکمل ہو گیا ہے۔ ترجمان دفترِ خارجہ کے مطابق شامی وزیرِ خارجہ نے نائب وزیراعظم و وزیرِ خارجہ اسحاق ڈار کی دعوت پر 19 سے 20 اگست 2026ء تک پاکستان کا سرکاری دورہ کیا، جو شام میں نئی حکومت کے قیام کے بعد کسی بھی شامی وزیرِ خارجہ کا پہلا دورۂ پاکستان تھا۔ دورے کے دوران شامی وزیرِ خارجہ نے وزیراعظم شہباز شریف، آرمی چیف، وزیرِ داخلہ اور وزیرِ تجارت سے اہم ملاقاتیں کیں۔ نائب وزیراعظم اسحاق ڈار اور ان کے شامی ہم منصب کے درمیان ہونے والے مذاکرات میں دیرینہ برادرانہ تعلقات کے اعادہ کے ساتھ ساتھ تجارت، عوام سے عوام کے رابطوں اور قائم شدہ ادارہ جاتی میکانزم کو جلد فعال کرنے پر اتفاق کیا گیا۔