الحمدللہ !عمران خان مکمل صحت مند اور فٹ ہیں: ڈاکٹر عظمیٰ خان

بانی پاکستان تحریک انصاف (پی ٹی آئی) عمران خان کی ہمشیرہ ڈاکٹر عظمیٰ خان نے ان کی صحت کے حوالے سے تمام خدشات کو رد کرتے ہوئے بتایا ہے کہ بانی پی ٹی آئی الحمد للہ مکمل طور پر صحت مند اور فٹ ہیں۔ میڈیا سے گفتگو کرتے ہوئے انہوں نے بتایا کہ انہوں نے خود بانی پی ٹی آئی کا بلڈ پریشر چیک کیا جو کہ 120/80 پر بالکل نارمل تھا۔ انہوں نے مزید کہا کہ عمران خان ان سے گفتگو کے دوران جذباتی ہو رہے تھے جس پر ڈاکٹروں نے ان کا بلڈ پریشر بڑھنے کا اندیشہ ظاہر کیا، تاہم عمران خان نے واضح کیا کہ ان کا بلڈ پریشر نہیں بڑھتا۔ ڈاکٹر عظمیٰ خان نے یہ بھی بتایا کہ بانی پی ٹی آئی کی بینائی میں بھی ماشاءاللہ بہتری آئی ہے اور انہوں نے اپنے علاج کے سلسلے میں ڈاکٹر کی پیش رفت پر اطمینان اور تعریف کا اظہار کیا۔