اپوزیشن جماعتوں کے نئے الائنس کا معاملہ، اہم مشاورتی اجلاس آج ہوگا

اسلام آباد: ملک کی اہم اپوزیشن جماعتوں کا ایک اہم مشاورتی اجلاس آج رات جمیعت علمائے اسلام (ف) کے سربراہ مولانا فضل الرحمان کی زیرِ صدارت ان کی رہائش گاہ پر منعقد ہو رہا ہے۔

ذرائع کے مطابق اس اجلاس میں موجودہ سیاسی صورتِ حال اور آئندہ کی مشترکہ حکمتِ عملی پر مفصل بات چیت کی جائے گی۔ اجلاس میں اپوزیشن لیڈر محمود خان اچکزئی، مجلس وحدت مسلمین کے سربراہ علامہ راجہ ناصر عباس، پاکستان تحریکِ انصاف کے سينئر رہنما اسد قیصر، اور وزیراعلیٰ خیبرپختونخوا سہیل آفریدی سمیت اپوزیشن کی دیگر مرکزی قیادت بھی شرکت کرے گی۔

ذرائع کا مزید کہنا ہے کہ اس مشاورتی اجلاس کے اختتام پر مولانا فضل الرحمان کی جانب سے اپوزیشن جماعتوں کے تمام قائدین کے اعزاز میں ایک پرتکلف عشائیہ بھی دیا جائے گا، جس کے دوران ملک کی مجموعی سیاسی اور پارلیمانی صورتِ حال پر غیر رسمی گفتگو ہوگی۔