حکومت اپوزیشن ہاتھ ملائیں ایکدوسرے کے ساتھ ہاتھ نہ کریں: لیاقت بلوچ

لاہور: نائب امیر جماعت اسلامی پاکستان لیاقت بلوچ نے ملکی سیاسی صورتحال پر تبصرہ کرتے ہوئے حکومت اور اپوزیشن دونوں کو سنجیدہ مذاکرات کا مشورہ دیا ہے اور کہا ہے کہ سیاسی قیادت کو ایک دوسرے کے ساتھ ‘ہاتھ ملانے’ کی ضرورت ہے، نہ کہ ‘ہاتھ کرنے’ کی۔

اپنے ایک اہم بیان میں لیاقت بلوچ نے جماعت اسلامی کے جاری احتجاجی دھرنے کے حوالے سے کہا کہ عوام کو معاشی ریلیف دلانے، بجلی کے بلوں اور مہنگائی کے خلاف جماعت اسلامی کا دھرنا مسلسل 6 روز سے جاری ہے۔ انہوں نے کہا کہ یہ دھرنا مایوسی کا شکار قوم کو امید دے رہا ہے اور عوام کو قومی دھارے میں واپس لا رہا ہے۔

بانی پی ٹی آئی کی علاج کے لیے ہسپتال منتقلی پر تبصرہ کرتے ہوئے لیاقت بلوچ نے اس اقدام کو سراہا اور کہا کہ بانی پی ٹی آئی عمران خان کو طبی سہولیات کی فراہم کے لیے ہسپتال منتقل کرنا ایک اچھا اور مثبت قدم ہے، جس سے ملک کے سیاسی درجہ حرارت میں کمی آئے گی اور سیاست میں ٹھہراؤ پیدا ہوگا۔