بھارت میں گرفتاریوں کو پاکستان سے جوڑنے کے الزامات بدنیتی پر مبنی قرار

پاکستان کے ترجمان دفترِ خارجہ نے بھارت میں ہونے والی بعض گرفتاریوں کا ملبہ پاکستان پر ڈالنے اور بھارتی وزیرِ داخلہ کے بے بنیاد الزامات کو یکسر مسترد کرتے ہوئے انہیں بدنیتی پر مبنی قرار دیا ہے۔ ترجمان کے مطابق یہ بے بنیاد پروپیگنڈا پاکستان کو بدنام کرنے کی ایک مسلسل کوشش ہے جس کا مقصد بھارت کو درپیش اندرونی سیکورٹی اور سیاسی چیلنجز سے دنیا کی توجہ ہٹانا ہے۔ بیان میں مزید کہا گیا کہ بھارت غیر ممالک میں دہشت گردی کی پشت پناہی اور تخریبی سرگرمیوں میں خود ملوث ہے، جس کے واضح اور ناقابلِ تردید شواہد بالخصوص سزائے موت یافتہ بھارتی جاسوس کلبھوشن یادیو کی شکل میں عالمی برادری کے سامنے پیش کیے جا چکے ہیں۔