بسنت 2027 کے حوالے سے نوٹیفکیشن کی خبروں پر پنجاب حکومت کا ردِ عمل آگیا

پنجاب حکومت نے بسنت 2027 کے انعقاد سے متعلق سوشل میڈیا پر گردش کرنے والے نوٹیفکیشن کو مکمل طور پر جعلی اور من گھڑت قرار دے دیا ہے۔ محکمہ داخلہ پنجاب کی جانب سے جاری کردہ اعلامیے میں واضح کیا گیا ہے کہ حکومت نے ایسا کوئی نوٹیفکیشن جاری نہیں کیا۔ محکمہ داخلہ نے عوام سے اپیل کی ہے کہ سوشل میڈیا پر پھیلی غیر مصدقہ اور گمراہ کن اطلاعات پر کان نہ دھریں اور کسی بھی قسم کی مستند معلومات کے لیے صرف محکمہ داخلہ کے آفیشل سوشل میڈیا ہینڈل (@HomeDptPunjab) سے رجوع کریں۔