ایران نے 60 روزہ مفاہمتی معاہدے کو جنگ کی تیاری کے لیے استعمال کیا: امریکی اخبار

امریکی اخبار وال اسٹریٹ جرنل نے ایک رپورٹ میں دعویٰ کیا ہے کہ ایران نے 60 روزہ مفاہمتی معاہدے کا فائدہ اٹھاتے ہوئے کشیدگی کم کرنے کے بجائے وسیع تر جنگ کی تیاری کی۔ رپورٹ کے مطابق ایرانی سخت گیر قیادت نے اس معاہدے کو امریکا اور اسرائیل کی جانب سے عالمی معاشی دباؤ کم کرنے اور نئے حملوں کے لیے وقت حاصل کرنے کی حکمتِ عملی سمجھا۔ اسی خدشے کے تحت تہران نے یمن، عراق اور لبنان میں اپنے اتحادی مسلح گروہوں کے ساتھ تعاون بڑھایا اور جنگ سے متاثرہ عسکری بنیادی ڈھانچے اور میزائل اڈوں کی بحالی توقعات سے کہیں زیادہ تیزی سے مکمل کی، جس کے باعث ایران کے پاس خطے میں امریکی مفادات اور توانائی کے انفراسٹرکچر کو نشانہ بنانے کی صلاحیت اب بھی موجود ہے۔