ٹرمپ کا جنوبی کوریا کے ساتھ مشترکہ فوجی مشقیں کم کرنے کا اعلان

امریکی صدر ڈونلڈ ٹرمپ نے امریکی افواج کو جنوبی کوریا کے ساتھ جاری مشترکہ فوجی مشقوں کے حجم اور دائرہ کار میں نمایاں کمی لانے کی باضابطہ ہدایت جاری کر دی ہے۔ سوشل میڈیا پر جاری کردہ اپنے ایک بیان میں صدر ٹرمپ نے موقف اختیار کیا کہ امریکہ اور جنوبی کوریا کی یہ مشترکہ مشقیں نہ صرف شمالی کوریا کے لیے ایک نامناسب، کشیدہ اور مخالفانہ پیغام بھیجتی ہیں بلکہ ان پر امریکہ کے بے تحاشا اور بھاری اخراجات بھی اٹھتے ہیں۔ انہوں نے شمالی کوریا کے سربراہ کے ساتھ اپنے اچھے اور قائم شدہ تعلقات کا حوالہ دیتے ہوئے کہا کہ ان کے دورِ صدارت میں شمالی کوریا نے امریکہ کے لیے کوئی بڑا خطرہ پیدا نہیں کیا اور ہمیشہ باہمی احترام کا مظاہرہ کیا ہے۔ اس کے ساتھ ہی صدر ٹرمپ نے جنوبی کوریا پر تنقید کرتے ہوئے یہ بھی انکشاف کیا کہ سیؤل انتطامیہ نے ایران کو جوہری ہتھیاروں سے پاک کرنے کی امریکی کوششوں اور مہم میں واشنگٹن کا ساتھ دینے سے صاف انکار کر دیا تھا۔