کانگریس رکنِ الہان عمر نے مینیسوٹا سے ڈیموکریٹک پرائمری جیت لی

امریکی ریاست مینیسوٹا سے تعلق رکھنے والی ترقی پسند ڈیموکریٹک رکنِ کانگریس الہان عمر نے ڈیموکریٹک پرائمری انتخاب میں شاندار کامیابی حاصل کر کے اپنی مقبولیت کا لوہا منوا لیا ہے۔ امریکی میڈیا کے مطابق الہان عمر نے ایک بار پھر اپنے حلقے کے عوام کا اعتماد حاصل کرتے ہوئے پرائمری معرکہ بھاری اکثریت سے اپنے نام کر لیا ہے۔

انتخابی نتائج کے مطابق الہان عمر نے 1 لاکھ 22 ہزار 640 ووٹ حاصل کیے، جو کہ ڈالے گئے مجموعی ووٹوں کا 80 فیصد سے بھی زائد بنتے ہیں۔ اس کے مقابلے میں ان کی حریف جولی ٹرانگ لی کو محض 10 ہزار 201 ووٹ مل سکے، جس کے بعد الہان عمر نے ایک بڑی عددی برتری کے ساتھ فتح حاصل کی۔

واضح رہے کہ الہان عمر کا تعلق بنیادی طور پر صومالیہ سے ہے اور وہ امریکی کانگریس میں داخل ہونے والی پہلی صومالی نژاد مسلمان خواتین میں شمار ہوتی ہیں۔ وہ مسلسل مینیسوٹا کی نمائندگی کر رہی ہیں اور امریکی ایوانِ نمائندگان میں اپنے نڈر اور ترقی پسند سیاسی موقف کی وجہ سے نمایاں مقام رکھتی ہیں