شوگر ملز ایسوسی ایشن کا وزیر فوڈ سکیورٹی کو سرپلس چینی برآمد کیلئے تیسرا خط

پاکستان شوگر ملز ایسوسی ایشن (PSMA) نے ملک میں موجود چینی کے اضافی ذخائر کو مدنظر رکھتے ہوئے حکومت سے سرپلس چینی کی فوری برآمد (Export) کی اجازت دینے کا زوردار مطالبہ کر دیا ہے۔ اس سلسلے میں ایسوسی ایشن کی جانب سے وفاقی وزیرِ فوڈ سیکیورٹی کو تیسرا خط ارسال کیا گیا ہے، جس میں نشاندہی کی گئی ہے کہ 31 جولائی 2026ء تک ملک میں 31 لاکھ میٹرک ٹن چینی کا ذخیرہ موجود ہے، جبکہ ماہانہ ملکی کھپت ساڑھے 5 لاکھ میٹرک ٹن سے زائد ہے۔ خط میں مزید واضح کیا گیا ہے کہ اگلے کرشنگ سیزن کے آغاز پر بھی 11 لاکھ 97 ہزار میٹرک ٹن اضافی چینی بچ جائے گی اور گنے کی بمپر فصل کی وجہ سے مزید 80 لاکھ میٹرک ٹن پیداوار کی توقع ہے۔ شوگر ملز ایسوسی ایشن کے مطابق فنڈز کی شدید کمی سے بچنے کے لیے حکومت فوری طور پر 6 لاکھ 33 ہزار ٹن سرپلس چینی برآمد کرنے کی اجازت دے۔