حماس کا امریکا سے اسرائیل پر غزہ امن منصوبے پر عملدرآمد کیلئے دباؤ ڈالنے کا مطالب

فلسطین کی مزاحمتی تنظیم حماس نے امریکہ سے پرزور مطالبہ کیا ہے کہ وہ اسرائیل کو غزہ امن منصوبے اور طے شدہ روڈ میپ پر عملدرآمد کا پابند بنانے کے لیے اپنا اثر و رسوخ استعمال کرے۔ حماس کے سینئر رہنما باسم نعیم نے ایک بیان میں کہا کہ چونکہ امریکہ امن معاہدے کا ضامن ہے، اس لیے اس کی اخلاقی و سیاسی ذمہ داری بنتی ہے کہ وہ نیتن یاہو حکومت پر دباؤ ڈالے تاکہ وہ امن منصوبے کے اگلے مراحل کو تسلیم اور ان پر عمل کرے۔

باسم نعیم نے خبردار کیا کہ اسرائیلی وزیراعظم نیتن یاہو کو اپنے ذاتی و سیاسی مفادات کی خاطر اس اہم امن منصوبے کی راہ میں رکاوٹیں ڈالنے سے روکا جائے۔ انہوں نے عالمی ثالثوں اور امریکہ پر زور دیا کہ وہ اسرائیل کو طے شدہ معاہدوں کی پاسداری پر آمادہ کریں۔ حماس کا یہ اہم ردعمل اسرائیلی وزیراعظم نیتن یاہو کی جانب سے حالیہ غزہ امن منصوبے کو مسترد کرنے اور معاہدے کی شقوں سے انحراف کے بعد سامنے آیا ہے۔