پاکستان-برطانیہ وزارتی مذاکرات، ترقیاتی تعاون کو سالانہ بنیادوں پر جاری رکھنے پر اتفاق

اسلام آباد میں پاکستان اور برطانیہ کے درمیان 2017 کے بعد پہلی بار وزارتی سطح پر اسٹریٹجک ترقیاتی مذاکرات ہوئے۔ پاکستانی وفد کی قیادت وفاقی وزیر اقتصادی امور احد چیمہ جبکہ برطانوی وفد کی قیادت وزیر مملکت برائے بین الاقوامی ترقی جینیفر چیپ مین نے کی۔ مذاکرات میں معاشی استحکام، برآمدات پر مبنی ترقی، ادارہ جاتی اصلاحات اور موسمیاتی تبدیلی جیسے اہم شعبوں میں تعاون پر اتفاق کیا گیا۔ برطانیہ نے پاکستان کی مالیاتی اصلاحات اور مسابقت بڑھانے کی کوششوں کو سراہا۔ فریقین نے مذاکرات کو سالانہ بنیادوں پر ادارہ جاتی شکل دینے پر بھی اتفاق کیا۔ اعلیٰ حکام سمیت دونوں جانب سے اہم شخصیات نے شرکت کی۔