ایل پی جی کی قیمتوں میں بڑا اضافہ، اوگرا نے نوٹیفکیشن جاری کردیا

آئل اینڈ گیس ریگولیٹری اتھارٹی (OGRA) نے گھریلو صارفین پر مہنگائی کا ایک اور بم پھوڑتے ہوئے لیکوئفائیڈ پیٹرولیم گیس (LPG) کی قیمتوں میں نمایاں اضافے کا اعلان کر دیا ہے۔

اوگرا کی جانب سے جاری کردہ نئے نوٹیفکیشن کے مطابق اکتوبر کے لیے گھریلو استعمال کے 11.8 کلوگرام کے ایل پی جی سلنڈر کی قیمت میں 244 روپے 14 پیسے کا اضافہ کیا گیا ہے۔ اس اضافے کے بعد اب اکتوبر میں 11.8 کلوگرام کا ایل پی جی سلنڈر 3,296 روپے میں فروخت ہوگا، جبکہ اس سے قبل ستمبر کے مہینے میں اسی سلنڈر کی قیمت 3,052 روپے مقرر تھی۔ نئی قیمتوں کا اطلاق فوری طور پر کر دیا گیا ہے۔