جائیکا کے صدر کی احسن اقبال سے ملاقات، ترقیاتی تعاون کو مزید وسعت دینے پر اتفاق

وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال سے جاپان انٹرنیشنل کوآپریشن ایجنسی (جائیکا) کے صدر ڈاکٹر تناکا آکی ہیکو نے اسلام آباد میں اہم ملاقات کی۔ ملاقات میں حکومتِ پاکستان کے فائیو ایز (5Es) فریم ورک اور “اُڑان پاکستان” کے تحت دوطرفہ ترقیاتی تعاون کو مزید وسعت دینے پر اتفاق کیا گیا۔ احسن اقبال نے جاپان کی سرکاری ترقیاتی معاونت (ODA) کو سراہتے ہوئے کہا کہ جاپان دہائیوں سے پاکستان کا قابلِ اعتماد ترقیاتی partner رہا ہے، جس نے بنیادی ڈھانچے، توانائی، تعلیم، اور قدرتی آفات سے نمٹنے کے شعبوں میں گرانقدر خدمات انجام دی ہیں۔

وفاقی وزیر نے پاکستان میں گندھارا تہذیب کے مشترکہ ورثے کے تناظر میں “پاکستان-جاپان گندھارا سیاحتی راہداری” کے قیام کی تجدید اور پروڈکٹیویٹی، کوالٹی اینڈ انوویشن (PQI) اقدام کے لیے جائیکا کی تکنیکی معاونت کی پیشکش کی۔ جائیکا کے صدر ڈاکٹر تناکا آکی ہیکو نے پاکستان کے ساتھ دیرینہ شراکت داری کو مزید مضبوط بنانے کے عزم کا اعادہ کیا اور ڈیجیٹل تبدیلی، انسانی وسائل، سیاحت، اور اقتصادی زونز جیسے شعبوں میں تعاون بڑھانے کی توثیق کی۔