میں ایرانی کرنسی کو تباہ کر رہا ہوں، صدر ٹرمپ کا ٹروتھ سوشل پر پیغام

امریکی صدر ڈونلڈ ٹرمپ نے اپنے سوشل میڈیا پلیٹ فارم ‘ٹروتھ سوشل’ پر جاری ایک بیان میں دعویٰ کیا ہے کہ وہ ایرانی کرنسی کو تباہ کر رہے ہیں۔

ڈونلڈ ٹرمپ نے اپنی پوسٹ میں لکھا کہ ایران کو اس وقت شدید ترین مہنگائی اور معاشی بحران کا سامنا ہے، جبکہ ایرانی کرنسی (ریال) کی قدر میں مسلسل اور نمایاں کمی واقع ہو رہی ہے۔

اپنے اس موقف کو تقویت دینے کے لیے امریکی صدر نے ٹروتھ سوشل پر ایک چارٹ بھی شیئر کیا، جس میں ڈالر کے مقابلے میں ایرانی ریال کی قدر میں مسلسل ہونے والی گراوٹ اور معاشی زوال کو دکھایا گیا ہے۔