آزاد کشمیر میں حکومت سازی : ن لیگ اور پیپلزپارٹی کا تیسرا مذاکراتی دور مکمل
Web Desk
1 August 2026
آزاد جموں و کشمیر میں حکومت سازی اور آئندہ سیاسی لائحہ عمل کے حوالے سے پاکستان مسلم لیگ (ن) اور پاکستان پیپلز پارٹی کے درمیان مذاکرات کا تیسرا دور گزشتہ روز ایک نجی ہوٹل میں مکمل ہو گیا۔ ذرائع کے مطابق تقریباً 20 منٹ جاری رہنے والی اس اہم بیٹھک کے باوجود تاحال کسی حتمی معاہدے یا مشترکہ اعلامیے کا باضابطہ اعلان نہیں کیا جا سکا ہے۔
مذاکرات کے اس دور میں دونوں جماعتوں کے سینئر رہنماؤں نے آزاد کشمیر کی موجودہ سیاسی صورتحال، انتخابات کے بعد ممکنہ حکومت سازی، سیاسی صف بندی اور آئندہ کے مشترکہ لائحہ عمل پر تفصیلی تبادلہ خیال کیا۔ اس موقع پر پیپلز پارٹی نے میرپور ڈویژن میں ہونے والی مبینہ انتخابی بے ضابطگیوں اور دھاندلی کے تحفظات بھی سامنے رکھے۔ جس پر دونوں فریقین نے اتفاق کیا کہ پولنگ کے دوران تمام کارکنوں کو صبر و تحمل کی تلقین کی جائے گی تاکہ شفاف اور پرامن انتخابات کو یقینی بنایا جا سکے۔
اجلاس میں پیپلز پارٹی کی نمائندگی وزیراعظم آزاد کشمیر فیصل ممتاز راٹھور، قمر زمان کائرہ، نیئر حسین بخاری اور ندیم افضل چن نے کی، جبکہ مسلم لیگ (ن) کی جانب سے وزیراعظم کے مشیر رانا ثناء اللہ، وفاقی وزیر امیر مقام اور طارق فاروق سمیت دیگر رہنما شریک ہوئے۔ سیاسی مبصرین کا ماننا ہے کہ آزاد کشمیر میں جاری تین مرحلہ وار انتخابات کے نتائج حکومت سازی پر فیصلہ کن اثرات مرتب کریں گے، اور کسی واضح اکثریت کی عدم موجودگی میں ن لیگ اور پیپلز پارٹی کا یہ ممکنہ اتحاد انتہائی کلیدی ثابت ہوگا۔
متعلقہ عنوانات
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026