جعلی اے آئی سرمایہ کاری سکیم، عارف حبیب گروپ کا سٹاک ایکسچینج کو انتباہی خط

عارف حبیب لمیٹڈ نے اپنے نام کے غیر قانونی استعمال اور جعلی مصنوعی ذہانت (AI) سرمایہ کاری اسکیم کے خلاف پاکستان اسٹاک ایکسچینج (PSX) کو باضابطہ خط ارسال کرتے ہوئے عوام کو الرٹ جاری کر دیا ہے۔ کمپنی کے مطابق شرپسند عناصر عارف حبیب گروپ کا نام استعمال کر کے عوام کو فی ہفتہ 5 لاکھ روپے منافع دینے کا جھوٹا دعویٰ کر رہے ہیں اور جعلی اے آئی پلیٹ فارمز کے ذریعے فراڈ میں ملوث ہیں۔ خط میں وضاحت کی گئی ہے کہ کمپنی یا گروپ کا کسی بھی اے آئی انویسٹمنٹ اسکیم سے براہِ راست یا بالواسطہ کوئی تعلق نہیں ہے۔ عارف حبیب لمیٹڈ نے شہریوں کو خبردار کیا ہے کہ تمام باضابطہ اعلانات صرف سرکاری ویب سائٹ اور PSX کے ذریعے کیے جاتے ہیں، لہٰذا ایسی دھوکہ دہی پر مبنی پیشکشوں سے مکمل طور پر محتاط رہا جائے۔