ایچ آئی وی سے بچاؤ کی کم قیمت دوا، بڑی خبر آگئی

امریکی دوا ساز کمپنی ‘مرک’ (Merck) نے ایچ آئی وی (HIV-1) سے بچاؤ کے لیے ایک انقلابی ماہانہ گولی ‘الیماٹراویر’ (Alimatravir) کی کم قیمت پر فراہمی کے لیے 129 کم اور متوسط آمدنی والے ممالک کے لیے 7 دوا ساز اداروں کے ساتھ رائلٹی فری لائسنسنگ معاہدے کر لیے ہیں۔ ان میں بھارت اور افریقہ کے دوا ساز ادارے شامل ہیں۔ ‘الیماٹراویر’ فی الوقت تیسرے مرحلے کے کلینیکل ٹرائلز میں ہے، جس کے نتائج آئندہ سال کی دوسری ششماہی میں متوقع ہیں۔ اگر ٹرائلز کامیاب رہے تو یہ دوا ماہانہ صرف ایک گولی کے استعمال سے ایچ آئی وی سے تحفظ فراہم کر سکے گی اور کھانے کے ایک گھنٹے اندر اپنا اثر دکھانا شروع کر دے گی۔ عالمی ادارے یو این ایڈز کے مطابق دنیا بھر میں کروڑوں افراد اس بیماری کے ساتھ زندگی گزار رہے ہیں، اور اس اقدام سے غریب ممالک میں سستی دوا کی بااسانی دستیابی ممکن ہو سکے گی۔