ایران اور عراق کے درمیان دوطرفہ تعاون بڑھانے کے لیے 4 معاہدے

ایران اور عراق نے دوطرفہ تعاون کو فروغ دینے کے لیے 4 اہم معاہدوں اور مفاہمت کی یادداشتوں پر دستخط کر دیے ہیں۔ یہ پیش رفت عراقی وزیراعظم علی الزیدی کے دورہ تہران کے موقع پر سامنے آئی، جہاں ایرانی صدر مسعود پزشکیان اور عراقی وزیراعظم کی موجودگی میں معاہدوں پر دستخط کیے گئے۔ ان معاہدوں میں خسروی-خانقین-بغداد ریلوے لائن کی تعمیر، تہران اور بغداد کو “سسٹر سٹیز” بنانے، اور پبلک ایڈمنسٹریشن و ہیومن ریسورس مینجمنٹ میں تربیت کے شعبے شامل ہیں۔ اس موقع پر ایرانی صدر نے اعادہ کیا کہ عراق سمیت تمام ہمسایہ ممالک کے ساتھ تعلقات کو استوار اور مضبوط بنانا ان کی حکومت کی اولین ترجیح ہے۔