صدر مملکت سے بلوچستان کے وزراء کی ملاقات، مجموعی صورتحال پر تبادلہ خیال

صدرِ مملکت آصف علی زرداری سے بلاول ہاؤس کراچی میں بلوچستان کے صوبائی وزراء کے وفد نے اہم ملاقات کی، جس میں صوبے کی مجموعی صورتحال، امن و امان اور جاری ترقیاتی منصوبوں پر تفصیلی تبادلہ خیال کیا گیا۔ صدر مملکت نے بلوچستان کی پیش رفت کو تیز کرنے کی ہدایت کرتے ہوئے کہا کہ عوام کو بنیادی سہولیات کی فراہمی اور معاشی سرگرمیوں کا فروغ حکومت کی اولین ترجیح ہے۔ ملاقات میں صوبائی وزراء صادق عمرانی، ظہور بلیدی، میر بخت کاکڑ، سردار فیصل جمالی، کویار ڈومکی، غلام رسول عمرانی اور پی پی پی رہنماء میر علی حسن زہری نے شرکت کی، جبکہ صدر زرداری نے امن و امان کے قیام اور عوامی فلاح کے لیے تمام اداروں کو مربوط انداز میں کام کرنے کی تاکید کی۔