امریکی عدالت نے ٹرمپ انتظامیہ کو تارکین وطن کے ورک پرمٹ منسوخ کرنے سے روک دیا

امریکا کے شہر بوسٹن کی وفاقی عدالت نے صدر ڈونلڈ ٹرمپ کی انتظامیہ کو ہزاروں پناہ گزینوں اور ٹیمپریری پروٹیکٹڈ اسٹیٹس (TPS) رکھنے والے تارکینِ وطن کے ورک پرمٹ ختم کرنے سے عارضی طور پر روک دیا ہے۔ جج نیتھنیئل گورٹن نے حقوقِ انسانی کی تنظیموں اور مزدور یونینوں کی درخواست پر عبوری حکم جاری کرتے ہوئے قرار دیا کہ فیس نہ دینے کی بنیاد پر فوری طور پر ورک پرمٹ منسوخ نہیں کیے جا سکتے۔ ریپبلکن اکثریت والی کانگریس نے جولائی 2025 کے قانون کے تحت نئی پابندیاں اور فیسیں عائد کی تھیں، جس سے ایل سلواڈور، سوڈان اور یوکرین سے تعلق رکھنے والے ہزاروں تارکینِ وطن متاثر ہو رہے تھے۔ عدالت 5 اگست 2026 تک اس پالیسی کو طویل مدت کے لیے معطل رکھنے یا نہ رکھنے کا حتمی فیصلہ سنائے گی۔