جنگ کے اثرات:عالمی منڈی میں تیل 92 ڈالر فی بیرل سے بھی تجاوز کر گیا

امریکا اور ایران کے درمیان بڑھتی ہوئی فوجی کشیدگی کے باعث عالمی منڈی میں خام تیل کی قیمتوں میں مسلسل اضافہ دیکھا جا رہا ہے، جس سے برینٹ خام تیل کی قیمت 92 ڈالر فی بیرل کی حد عبور کر گئی ہے۔ بین الاقوامی مارکیٹ میں برینٹ کروڈ فیوچرز کی قیمت 1.1 فیصد (ایکن ڈالر) اضافے کے ساتھ 92.01 ڈالر فی بیرل تک پہنچ گئی، جبکہ امریکی خام تیل ویسٹ ٹیکساس انٹرمیڈیٹ (WTI) میں 1 فیصد (82 سینٹ) کا اضافہ ریکارڈ کیا گیا جس کے بعد اس کی قیمت 85.16 ڈالر فی بیرل ہو گئی۔ اس سے قبل منگل کو برینٹ 91.01 اور ڈبلیو ٹی آئی 84.91 ڈالر فی بیرل پر بند ہوئے تھے جو گزشتہ 5 ہفتوں کی بلند ترین سطح تھی۔ معاشی ماہرین کا کہنا ہے کہ دونوں ممالک کے درمیان جنگی صورتحال کے باعث عالمی توانائی کی سپلائی لائن متاثر ہونے کا خدشہ برقرار ہے۔