LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

شاہنواز بھٹو کا یوم شہادت، آصفہ بھٹو، سسی بھٹو کی مزار پر حاضری

Web Desk

18 July 2026

شہید میر شاہنواز بھٹو کا 41واں یومِ شہادت ملک بھر بالخصوص سندھ میں انتہائی عقیدت و احترام اور روایتی جذبے کے ساتھ منایا گیا۔ اس تاریخی اور سوگوار موقع پر ملک کی خاتونِ اول اور رکن قومی اسمبلی بی بی آصفہ بھٹو زرداری اور شہید میر شاہنواز بھٹو کی صاحبزادی سسی بھٹو نے بھٹو ہاؤس نوڈیرو میں منعقدہ مرکزی تقریب میں شرکت کی۔ دونوں رہنماؤں نے شہید میر شاہنواز بھٹو کی قربانیوں اور جمہوریت کے لیے ان کی خدمات پر انہیں شاندار الفاظ میں خراجِ عقیدت پیش کیا اور روح کے ایصالِ ثواب کے لیے منعقدہ خصوصی قرآن خوانی اور محفلِ دعا میں بھی شرکت کی۔

نوڈیرو میں قرآن خوانی کے بعد خاتونِ اول بی بی آصفہ بھٹو زرداری اور سسی بھٹو نے گڑھی خدا بخش بھٹو کا دورہ کیا، جہاں انہوں نے شہید میر شاہنواز بھٹو کے مزار پر حاضری دی، فاتحہ خوانی کی اور پھولوں کی چادر چڑھائی۔ مزار پر حاضری کے موقع پر دونوں رہنماؤں نے ملکِ پاکستان میں جمہوریت کے مستقل استحکام، امن و امان کے قیام اور غریب عوام کی معاشی خوشحالی و ترقی کے لیے خصوصی دعائیں مانگیں۔ علاوہ ازیں، بی بی آصفہ بھٹو زرداری اور سسی بھٹو نے گڑھی خدا بخش کے تاریخی قبرستان میں مدفون قائدِ عوام شہید ذوالفقار علی بھٹو، مادرِ جمہوریت بیگم نصرت بھٹو اور شہیدِ جمہوریت محترمہ بینظیر بھٹو سمیت دیگر تمام شہدائے جمہوریت کے مزارات پر بھی حاضری دی اور ان کے درجات کی بلندی کے لیے فاتحہ خوانی کی