لاہور کے نجی ہوٹل سے غیر ملکی شہری کی لاش برآمد

صوبائی دارالحکومت کے پوش علاقے گلبرگ میں قائم ایک نجی ہوٹل کے کمرے سے نیدرلینڈز (ہالینڈ) کے رہائشی ایک غیر ملکی شہری کی لاش برآمد ہوئی ہے۔ پولیس کے مطابق ‘بگ’ نامی غیر ملکی شہری ہوٹل کے کمرے میں پراسرار طور پر مردہ پایا گیا۔ واقعے کی اطلاع ملتے ہی پولیس کی بھاری نفری موقع پر پہنچ گئی اور لاش کو تحویل میں لے کر ضروری قانونی کارروائی اور پوسٹ مارٹم کے لیے مردہ خانے منتقل کر دیا۔ پولیس حکام کا کہنا ہے کہ موت کی حتمی وجہ ابتدائی طور پر سامنے نہیں آسکی ہے، تاہم حقائق کا پتہ لگانے کے لیے ہوٹل انتظامیہ سے تفصیلی پوچھ گچھ کی جا رہی ہے اور واقعے کی مختلف پہلوؤں سے سائنسی و روایتی تحقیقات کا آغاز کر دیا گیا ہے۔ پولیس کے مطابق پوسٹ مارٹم رپورٹ آنے کے بعد ہی موت کی اصل وجہ کا تعین ممکن ہو سکے گا۔