سپریم کورٹ کا بڑا فیصلہ؛ بانی پی ٹی آئی سے جیل میں ملاقاتوں کا کیس سماعت کے لیے مقرر

سپریم کورٹ آف پاکستان نے بانی پی ٹی آئی سے جیل میں ملاقاتوں کی اجازت نہ ملنے کے خلاف دائر کیس کو باقاعدہ سماعت کے لیے مقرر کر دیا ہے۔ عدالتِ عظمیٰ کے جسٹس محمد علی مظہر کی سربراہی میں قائم 3 رکنی بینچ 20 جولائی کو اس اہم کیس کی سماعت کرے گا۔ واضح رہے کہ مشعل یوسفزئی اور عظمیٰ خان نے بانی تحریک انصاف سے ملاقاتوں کی سہولت فراہمی کے لیے سپریم کورٹ میں آئینی درخواستیں دائر کر رکھی ہیں۔ عدالت نے کیس کی گزشتہ سماعت پر سخت نوٹس لیتے ہوئے سپرنٹنڈنٹ اڈیالہ جیل اور ایڈووکیٹ جنرل اسلام آباد سے اس معاملے پر تفصیلی جواب طلب کیا تھا، جس پر اب آئندہ مقررہ تاریخ کو مزید قانونی کارروائی کی جائے گی۔