مریم نواز کی ڈپٹی کمشنرز کو’’سانجھی سبزی‘‘ پراجیکٹ شروع کرنے کی ہدایت

وزیراعلیٰ پنجاب مریم نواز شریف نے صوبے کے تمام ڈپٹی کمشنرز کو “سانجھی سبزی” پراجیکٹ شروع کرنے کی ہدایت کر دی ہے۔ اس منفرد پراجیکٹ کا آغاز مظفر گڑھ میں ڈپٹی کمشنر محمد عثمان طاہر جپہ کی نگرانی میں کرسچن برادری کے گاؤں سے کیا گیا ہے، جہاں اربن سرکاری عمارتوں اور دیہی علاقوں میں خالی سرکاری اراضی پر عوام کے لیے موسمی سبزیاں کاشت کر کے ضرورت مند افراد کو بالکل مفت فراہم کی جا رہی ہیں۔ مظفر گڑھ میں محکمہ صحت، لوکل گورنمنٹ، فارسٹ، ایجوکیشن اور اسسٹنٹ کمشنرز کے دفاتر سے متصل ۱۳۹ کنال کے ۱۴۰ پلاٹس پر یہ سبزیاں اگائی جا رہی ہیں اور عوام بھی اس میں رضاکارانہ طور پر حصہ لے رہے ہیں۔ وزیراعلیٰ مریم نواز نے ڈی سی مظفر گڑھ سے ملاقات میں ان کے اس عوامی فلاحی اقدام کو زبردست سراہتے ہوئے انہیں “چیف منسٹر میرٹ بیج” اور ایک لاکھ روپے نقد انعام سے نوازا اور اس منصوبے کو پورے پنجاب میں نافذ کرنے کا حکم دیا ہے۔