LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

لوئر دیر میں مقابلہ، 3 اہلکار شہید 15 زخمی، بنوں میں دہشتگردوں نے بارود سے بھری گاڑی تھانے سے ٹکرادی

Web Desk

16 July 2026

خیبر پختونخوا میں دہشت گردی کے دو الگ الگ واقعات میں پولیس اور قانون نافذ کرنے والے اداروں کو نشانہ بنایا گیا ہے۔ لوئر دیر کے علاقے حیدرے کنڈو ٹاپ میں سکیورٹی فورسز کی دہشت گردوں سے شدید جھڑپ ہوئی، جس کے نتیجے میں 3 پولیس اہلکار شہید اور 15 زخمی ہو گئے۔ پولیس ذرائع کے مطابق یہ جھڑپ اس وقت شروع ہوئی جب پولیس، سی ٹی ڈی اور ایلیٹ فورس نے دہشت گردوں کی موجودگی کی خفیہ اطلاع پر سرچ آپریشن شروع کیا۔ کارروائی کے دوران دہشت گردوں نے پولیس کی 3 گاڑیوں کو بھی نذرِ آتش کر دیا۔ تمام زخمیوں کو فوری طور پر ڈسٹرکٹ ہیڈ کوارٹرز (DHQ) اسپتال تیمرگرہ منتقل کر دیا گیا ہے، جبکہ لوئر دیر کے تمام اسپتالوں میں ہنگامی حالت (ایمرجنسی) نافذ کر دی گئی ہے۔

دوسری جانب، بنوں کے تھانہ میریان پر بھی دہشت گردوں نے بزدلانہ حملہ کیا، جہاں بارود سے بھری ایک گاڑی تھانے کی عمارت سے ٹکرا دی گئی۔ دھماکے کے نتیجے میں ابتدائی اطلاعات کے مطابق 4 پولیس اہلکار زخمی ہوئے ہیں۔ خودکش حملے کے فوراً بعد پولیس اور دہشت گردوں کے درمیان فائرنگ کا شدید تبادلہ شروع ہو گیا جو تاحال جاری ہے۔ پولیس حکام کا کہنا ہے کہ صورتحال سے نمٹنے اور دہشت گردوں کے خاتمے کے لیے علاقے میں پولیس کی مزید بھاری نفری روانہ کر دی گئی ہے۔