حکومتی کمیٹی سے مذاکرات کامیاب، بلوچستان میں ینگ ڈاکٹر کی 39 روزہ ہڑتال مؤخر
Web Desk
16 July 2026
ینگ ڈاکٹرز ایسوسی ایشن (YDA) نے حکومتی مذاکراتی کمیٹی کے ساتھ کامیاب مذاکرات کے بعد بلوچستان بھر میں جاری اپنی 39 روزہ طویل ہڑتال مؤخر کرنے کا باقاعدہ اعلان کر دیا ہے۔ وائی ڈی اے کے ترجمان کے مطابق، صوبے میں امن و امان کی مخدوش صورتحال اور غریب مریضوں کے وسیع تر عوامی مفاد کو مدنظر رکھتے ہوئے ہڑتال مؤخر کرنے کا فیصلہ کیا گیا ہے۔ واضح رہے کہ یہ ہڑتال سول ہسپتال کوئٹہ میں لیڈی ڈاکٹر پر تیزاب پھینکنے کے افسوسناک واقعے اور ڈاکٹروں کے عدم تحفظ کے خلاف گزشتہ 39 روز سے جاری تھی۔
ذرائع کا کہنا ہے کہ احتجاج ختم کروانے کے لیے بنائی گئی حکومتی مذاکراتی کمیٹی میں کمشنر کوئٹہ اور ڈپٹی کمشنر کوئٹہ شامل تھے، جنہوں نے ینگ ڈاکٹرز کے نمائندوں کے ساتھ طویل مذاکرات کیے اور ان کے تحفظ سمیت دیگر مطالبات پر پیش رفت کی یقین دہانی کرائی۔ مذاکرات کی کامیابی کے بعد وائی ڈی اے نے اعلان کیا ہے کہ کل سے بلوچستان کے تمام سرکاری ہسپتالوں میں آؤٹ ڈور پیشنٹ ڈیپارٹمنٹ (او پی ڈی) سمیت تمام طبی سہولیات اور سروسز معمول کے مطابق بحال کر دی جائیں گی، جس سے طویل عرصے سے پریشان حال مریضوں کو بڑی راحت ملے گی۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026